Aapki Practice ke liye AirForce ne apni website par pehle he Kucch test daal rakhe hai jo Y Group, X Group aur XY Group dono ke liye hai. Aapne jiska form bhar rakha tha uska test de ke dekh lijiye pata chal jaayega aapne tayyari kitni ki hai. Good Luck
Free test dene ke liye neeche di gayi link pe Click Karein...
ye exam 3 Phase mein hoga
· Phase – 1. Objective
· Phase – 2. Physical Fitness Ability
· Phase – 3. Medical
Phase I
-----------
1. Iss baar computer par online exam hoga. abhi tak aisa nahi tha abhi tak aapko pen pencil milti thi aur questions padhke aapko unke answers par gole ko kaala karna padta tha. abki bar aapko computer par exam dena hoga aur ha unn baccho ko tension lene ki zaroorat nahi hai jinhone computer abhi tak chalaya tak nahi kyuki paper start hone se 15-20 minute pehle wo apko computer par baitha denge aur aap mouse par apna haath set kar sakte ho. paper start hone ke baad exam room mein apki help ke liye kucch teachers ho sakte hai jo apki help karenge isliye padhai par focus karein baaki sab ho jaayega. Online exam ka tarika bilkul easy hota hai tension na le. JAISE ISS PHOTO MEIN DIKHAYA HAI ABB SE AISE EXAMS NAHI HOGA.
2. aapne form apply karte waqt jo email id daali thi usse open karke ya yahaan 👉 click karke apna admit card nikal sakte hai. (ye website phone mein nahi khulne ki aur agar pc pe open kar rahe ho to bas google chrome browser pe he khulegi). dhyan rahe admit card color he print out karaana. kyuki airforce hamesha color admit card he maangti hai. pareshaani se bachne ke liye colour print out ke saath jo instruction diye hai admit card par wo dhyan se padhein aur follow karein.
3. English aur Hindi dono language mein paper aayenge. Objective type questions honge ek question ke 4 answers jaise image mein diya gaya hai bas iss baar ye options aur question aapke paper par nahi computer ki screen par honge. sahi answer par click karke save and next par click karna hoga jis jis question ka aap answer dete rahoge wo question aapko right side mein screen ki show hoga.
aur uss par green mark bann jaayega.
agar aap kisi question ka answer nahi dete ho to wahaan red mark bann jaayega ye sab automatic hoga.
Side mein aapka countdown time chalta rahega jispe aap dekh sakte ho ki aapke paas kitna time bacha hai paper karne ke liye aur jab time khatam ho jayega to apke saare kiye huye questions apne aap automatically save ho jaayenge apko kucch karne ki zaroorat nahi hai.
Time khatam hone par computer automatic apka record sare questions ko calculate karke aapko batayega ki kitne questions aapke kiye aur kitne nahi kiye. Chaho to wo number note kar sakte ho.
4. Online exam ke liye aapko ek ball pen blue ya black aur ek valid id proof (aadhaar card, driving license, voter card, school id etc original aur unki photo copy) le jaana hoga.
5. 45 Minutes ka time milega paper complete karne ke liye jisme English, Reasoning & General Awareness 12th tak ki books (CBSE) se bahar nahi aayenge.
6. agar aapne X aur Y dono ke liye apply kiya hai to 85 minutes ka aapka exam hoga jisme English, Physics, Mathematics aur Reasoning & General Awareness sabhi mix hoke aayenge.
online exam mein aapko kitna time milega?
Group X = 60 Minutes
Group Y = 45 Minutes
Group X & Y = 85 Minutes
Free test dene ke liye neeche di gayi link pe Click Karein...
***
Top Views Topic
Hotel Management Admit Card is Available Now Click Here to Download
Railway Group D Admit Card Click Here to Download
AirForce Complete Syllabus Click Here to Download
Indian Army Rally Bharti Click Here for latest update
No comments:
Post a Comment