Hamara naam Sachin Panwar hai aur hum Saharanpur se belong karte hai. Saharanpur mein he humara janm huaa. 2007 se ab tak hum Bulandshahr district mein hai aur yahii par apna computer centre bhi hai, 24 December 2014 se hum 'N R Computer Centre' pe form bharne ka kaam kar rahe hai aur poora din form ke beech rehte huye 6 saal se jyada ka experience hai jiske chalte hum aapko bata paate hai ki kis form mein kya problem chal rahi hai, website server hai ya kucch aur, ccs university ke forms par bhi hamara poora focus hota hai.
hamaare youtube channel par aapko online form jo chal rahe hote hai unke baare mein jaankaari aur agar form bharte time website dikkat karne lage aisi sab update jo bhi hoti hai wo share karte hai.
hamein lagta hai kaafi kucch share ho gaya yahaan pe, bas itna he hai hamaare baare mein baaki hum simple si life jeete hai poora time centre ko dete hai aur agar kahi vacation pe bhi jaate hai to laptop hamesha hamaare saath hota hai aur kahi bhi ho hum video publish karte hai agar hamein lagta hai ki bacche kisi form ko lekar pareshaan hai website na chalne ki wajah se ya website pe kisi step pe koi dikkat ki wajah se. video mein hum clear karte hai ki actual mein wo error kyu aa rahi hai aur uss baare mein jitni bhi baat hoti hai wo sab discuss kar lete hai ek video mein.
bas yahi hai hamaare baare mein...
Thank You!